ក្មេងប្រុសម្នាក់ បានលង់ទឹកស្រះស្លាប់ យ៉ាងអាណោចអាធ័ម

បាត់ដំបង ៖ ក្មេងប្រុសម្នាក់បានលង់ទឹកស្រះស្លាប់យ៉ាងអាណោចអាធ័មបង្កការភ្ញាក់ផ្អើលនៅវេលាម៉ោង ១១និង៤០នាទី ថ្ងៃទី០៣ ខែមេសា ឆ្នាំ២០២៥ នៅចំណុចក្រុមទី១ ស្ថិតក្នុងភូមិអូរប្រយុទ្ធ ឃុំអូររំដួល ស្រុកភ្នំព្រឹក ខេត្តបាត់ដំបង ។

ក្មេងរងគ្រោះមានឈ្មោះ វ៉ាន់ ណាក់ផាត់ ភេទប្រុស អាយុ១៣ឆ្នាំ រស់នៅភូមិអូរប្រយុទ្ធ ឃុំអូររំដួល ស្រុកភ្នំព្រឹក ខេត្តបាត់ដំបង ដែលក្មេងរងគ្រោះខាងលើបានចុះទៅលេងទឹកស្រះធ្លាក់ចូលកន្លែងជ្រៅក៏បណ្ដាលអោយលង់ស្លាប់តែម្ដង។

ក្រោយពេលកើតហេតុសពក្មេងរងគ្រោះត្រូវបានសមត្ថកិច្ចចុះទៅពិនិត្យធ្វើកំណត់ហេតុប្រគល់អោយក្រុមគ្រួសារនិងសាច់ញាតិយកទៅដើម្បីរៀបចំធ្វើបុណ្យតាមប្រពៃណី ៕

ដោយ ៖ សាលី