រដ្ឋមន្រ្តីក្រសួងមហាផ្ទៃ ជួបសំណេះសំណាលជាមួយមន្ត្រីនគរបាលជាតិ ប្រចាំប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត

ខេត្តបន្ទាយមានជ័យ ៖ កាលពីរសៀលថ្ងៃទី១៣ មេសា ២០២៥នេះ ឯកឧត្តមអភិសន្តិបណ្ឌិត ស សុខាឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានអញ្ជើញចូលរួមជាអធិបតី ក្នុងពិធីសំណេះសំណាលជាមួយមន្ត្រីនគរបាលជាតិ ប្រចាំប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ឆ្នាំម្សាញ់ សប្តស័ក ព.ស ២៥៦៩ ក្នុងក្រុងប៉ោយប៉ែត។

ក្នុងឱកាសនោះឯកឧត្តមអភិសន្តិបណ្ឌិត ស សុខាក៏បានចុះពិនិត្យដំណើរការសាងសង់អគារស្នាក់នៅរបស់មន្ត្រីនគរបាលជាតិ និងបានឧបត្ថម្ភអំណោយជូនដល់មន្ត្រីប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត ចំនួន ២២៤នាក់ ចុងភៅ ចំនួន ៥នាក់ អ្នកអនាម័យ ចំនួន ៧នាក់ និងជាងសំណង់ ចំនួន ៣០នាក់ សរុបចំនួន ២៧០នាក់ ក្នុងម្នាក់ៗថវិកា ចំនួន ៥០ ០០០(ប្រាំម៉ឺន)រៀល មី ចំនួន ១កេស ត្រីខកំប៉ុង ចំនួន ១យួរ និងទឹកក្រូច ចំនួន ១កេស ។

ជាមួយគ្នានោះឯកឧត្តមអភិសន្តិបណ្ឌិត ស សុខាក៏បានជួបសំណេះសំណាលជាមួយបងប្អូនប្រជាពលរដ្ឋខ្មែរ ដែលជាពលករ បម្រើការងារនៅប្រទេសថៃ អញ្ជើញវិលត្រលប់មកកម្ពុជាវិញដើម្បីចូលរួមពិធីបុណ្យចូលឆ្នាំថ្មី ប្រពៃណីជាតិខ្មែរ ជាមួយក្រុមគ្រួសារ ផងដែរ៕