វត្តស្រះរាំង ទទួលបាន ប័ណ្ណជ័យលាភី និងប័ណ្ណសរសើរ ថ្នាក់ជាតិ អារាមស្អាត អារាមបៃតង ក្រសួងបរិស្ថាន
បន្ទាយមានជ័យ ៖ លោក អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យកាលពីថ្ងៃទី២០ កុម្ភះ ២០២៥ បានអញ្ជើញក្នុងពិធីប្រគល់ប្រគេនបានជ័យលាភីអារាមមេត្រីបរិស្ថាន នៃវត្តសាលរង្សីអារាមស្រះរាំង ឃុំស្រះរាំង ស្រុកមង្គលបូរីខេត្តបន្ទាយមានជ័យ។
ព្រះគ្រូសច្ចធរ ប៉ែន សាវុធ ព្រះធម្មធរអនុគណស្រុកមង្គលបូរី និងជាព្រះចៅអធិការវត្តស្រះរាំងព្រះអង្គ មាន សង្ឃដីកាថា ថ្ងៃនេះ គឺជាទិវាប្រកបដោយ អភិលក្ខិតមង្គល នៃវត្តស្រះរាំងទាំងមូល ក៏ដូចជាព្រះសង្ឃពុទ្ធបរិស័ទ រដ្ឋបាលឃុំ ឋបានទទួលកិត្តិយសដ៏ធំធេង បានទទួលប័ណ្ណមេត្រីបរិស្ថានផ្នែកនីតិបុគ្គល និងនីតិបុគ្គលរូបវន្តចំនួនបីមាន ប័ណ្ណជ័យលាភីមេត្រីបរិស្ថានកម្រិតល្អ អារាមស្អាត អារាមបៃតងថ្នាក់ជាតិ ចំនួនមួយ បណ្ណសសេីរ មេត្រីបរិស្ថាននីតិបុគ្គលឆ្នាំ២០២២។ ប័ណ្ណសរសើរមេត្រីបរិស្ថាន ផ្នែករូបវ័ន្តបុគ្គលផ្ទាល់ប្រគេន ព្រះគ្រូសច្ចធរ ប៉ែន សាវុធព្រះធម្មធរគណស្រុកមង្គលបូរី ដែលជាព្រះចៅអធិការវត្តស្រះរាំង។ គណសម្បត្តិ និងកិត្តិយសទាំងនេះគឺកើតឡើងពីការប្រឹងប្រែងរបស់ថ្នាក់ដឹកនាំវត្ត និងព្រះសង្ឃពុទ្ធបរិស័ទ រដ្ឋបាលឃុំ មេភូមិគ្រប់ភូមិ ដែលសាមគ្គី ចូលរួមគាំទ្របរិស្ថាន ថែរក្សាបរិស្ថានទេីបទទួលបានការកោតសរសើរលើកទឹកចិត្តពីថ្នាក់ដឹកនាំ ប្រគល់ប័ណ្ណជ័យលាភី និងបណ្ណសរសើរថាជាអារាមមេត្រីបរិស្ថានល្អ ស្អាត អារាមបៃតង។ ព្រះតេជគុណ ប៉ែន សាវុធ បាន មាន សង្ឃដីកាថា តាមអភិក្រមស៣ សម្រាប់វត្តអារាមរបស់ក្រសួងធម្មការនិងសាសនា
ស១.វត្តស្អាត បរិស្ថានអនាម័យល្អសំណង់មានរបៀបរៀបរយ ជារមណីយដ្ឋានសាសនា ជាបុញ្ញក្ខេត សម្រាប់ពុទ្ធបរិស័ទ ។ ២ វត្តស្វាងជាកន្លែងផ្តល់នូវចំណេះដឹង តាមរយៈការអប់រំ និងជាកន្លែងដុសខាត់បណ្តុះនូវស្មារតី ស្គាល់គុណធម៌ សីលធម៌សុជីវធម៌ចូលងងឹតទៅវិញភ្លឺ ៣ វត្តស្ងប់ ជាកន្លែងគ្មានអធិករណ៍ គ្មានជម្លោះ ជាកន្លែងធ្វើសមាធិកម្មដ្ឋានក្របខ័ណ្ឌអប់រំចិត្តបន្ទោបង់ នូវ កិលេស ធ្វើឲ្យចិត្តស្ងប់ប្រាសចាកនូវ ពន្ធកិច្ចនានា ដែលជាគ្រឿងជាប់ជំពាក់ ។
លោក អ៊ុំរាត្រី បានមានប្រសាសន៍សម្ដែងនូវអំណរសាទរជាមួយព្រះមេគណខេត្តព្រះគ្រូអនុគណព្រះមន្ត្រីសង្ឃព្រះចៅអធិការព្រះតេជគុណគ្រប់ព្រះអង្គ នឹងគ្រប់ផ្នែកពាក់ព័ន្ធដែលបានរៀបចំកម្មវិធីប្រគល់ប័ណ្ណជ័យលាភីនេះឡើង ដែលវត្តសាលរង្សីយារាម ស្រះរាំងមានកិត្តិយសទទួលបានជយលាភី និងបណ្ណ សសេីរក្នុងការប្រឡងប្រណាំង អារាមមេត្រីបរិស្ថាន ពីក្រសួងបរិស្ថាន ដែលនេះគឺជាការខិតខំប្រឹងប្រែងរបស់ ព្រះសង្ឃ លោកអាចារ្យគណៈកម្មការ ព្រមទាំងពុទ្ធបរិស័ទចំណុះជើងវត្តដែលមានការលះបង់ខ្ពស់ក្នុងការដឹកនាំគ្រប់គ្រងទីអារាមបានល្អរហូតទទួលបាននូវលទ្ធផល គួរជាទី មោទន។
ឯកឧត្តមបន្តថា ក្រោមម្លប់ សុខសន្តិភាពតាមរយៈការអនុវត្ដនៃគោលនយោបាយឈ្នះឈ្នះបានសុំឲ្យប្រទេសជាតិមានឯកភាពជាតិ ឯកភាពទឹកដី ទាំងស្រុងនិងមានស្ថិរភាពនយោបាយហើយសន្តិសុខសណ្តាប់ធ្នាប់សាធារណៈត្រូវបានថែរក្សាការពារ ក្នុងរយៈពេលជាង២៦ឆ្នាំកន្លងទៅនេះ។ កត្តានេះគឺជា ជាមូលដ្ធានគ្រឹះដ៏រឹងមាំនេះជាកាលានុវត្តភាពយ៉ាងធំធេងសម្រាប់ការអភិវឌ្ឍប្រទេសជាតិទៅលើគ្រប់វិស័យ ក្នុងនោះវិស័យសាសនា ក៏មានការរីកចម្រើនគួរឲ្យកត់សម្គាល់ទាំងបរិមាណនិងគុណភាពផ្អែកលើគុណតម្លៃនិងតួនាទីរបស់ព្រះពុទ្ធសាសនាក្នុងសង្គមខ្មែររដ្ឋធម្មនុញ្ញនៃព្រះរាជាណាចក្រកម្ពុជាបានកំណត់យ៉ាងច្បាស់ថា ព្រះពុទ្ធសាសនាគឺជាសាសនារបស់រដ្ឋហើយប្រជាជនកម្ពុជាយ៉ាងច្រើនលើសលប់ប្រមាណជាង ៩៧%បានគោរពនិងប្រតិបត្តិព្រះពុទ្ធសាសនា ៕
